Maison Wessman kaupir vínekruna

Róbert Wessman nýr eigandi Vignoble des Verdots

Róbert Wessman, eigandi Maison Wessman, hefur gengið frá kaupum á 45 hektara vínekru Vignoble des Verdots auk verslunarhúsnæðis í Saint-Cernin-de-Labarde í Frakklandi. David Fourtout, fyrrverandi eigandi Vignoble des Verdots og Róbert Wessman undirrituðu í vikunni kaupsamning á Maison Wessman í Périgord í Frakklandi. Með kaupunum verður til öflugt safn eðalvína frá svæðinu og styður vöxt Maison Wessman sem og Vignoble de Verdots í Frakklandi og á alþjóðavettvangi.

Verdots-víngarðurinn er í Conne-de-Labarde, á landi sem er að mestu úr leir, kalksteini og tinnu. Vignoble des Verdots er þekkt fyrir gæði vínanna. Á 18 hekturum hafa verið gróðursettar hvítu þrúgutegundirnar Sémillon, Sauvignon Blanc og Sauvignon Gris et Muscadelle og á um 26 hektarar hafa verið gróðursettir með rauðum afbrigðum Merlot, Cabernet Sauvignon, Cabernet Franc og Malbec. Öll framleiðsla Vignoble des Verdors eru sjálfbær en um 150.000 flöskur af Clos des Verdots, Château Les Tours des Verdots og Grand Vin „Les Verdots“ voru framleiddar þar árið 2020.

Eitt af aðaleinkennum Vignoble des Verdots er neðanjarðar öldrunarkjallarinn sem er byggður inn í klett. Hann er staðsettur fyrir ofan á sem rennur neðanjarðar og kallast „Les Verdots“ en áin uppgötvaðist fyrir tilviljun við framkvæmdir á vínkjallaranum. Áin er óaðskiljanlegur hluti af öldrun og þroska vínanna í kjallaranum þar sem hún virkar sem náttúruleg loftkæling. Framleiðslan hjá Vignoble des Verdot er sjálfbær og notkun meindýraeyða er í algjöru lágmarki. Þá hefur verið þróuð þar aðferð við vínræktunina sem virðir umhverfið án stórfelldrar efnafræðilegrar meðferðar. Vignoble des Verdot notar starfsaðferðir sem sýnir bæði fólki og umhverfi virðingu og auðmýkt og öll þrúga er handtínd.

„Gæði Bergerac-vínanna er mikil en þau hafa ekki náð heimsathygli líkt og stóru frönsku vínin,“ segir Róbert Wessman nýr eigandi Vignoble des Verdots. „Fyrir tæpum 20 árum keypti ég Château de Saint-Cernin, sem er nálægt Bergerac. Það gerði mér kleift að uppgötva hve frábær vínin eru í Bergerac . Það felast mikil tækifæri til að auka veg þessara vína. Ég hef alltaf verið sérstaklega hrifinn af Vignoble des Verdots vínunum og markmið mitt er að vinna að því að þau komist á þann stall sem þau eiga skilið á alþjóða vettvangi,“ segir Róbert Wessman

Um Verdots-víngarðinn

Árið 1992 tók David Fourtout við Vignoble des Verdots sem hefur verið í eigu fjölskyldu hans í fjórar kynslóðir. Búið þekur 45 hektara af vínvið, 60% þeirra eru rauðir og 40% hvítir. Öll uppskera er handtínd og unnið er eftir aðferðum sjálfbærrar ræktunar.

www.verdots.com

Um Maison Wessman

Robert Wessman, forstjóri Alvogen og stofnandi Alvotech, hefur brennandi áhuga á víni og deilir þeim áhuga með eiginkonu sinni, Ksenia Wessman. Eftir áralanga leit fundu þau vínekru með aðsetur í hjarta Périgord Pourpre, til að framleiða hágæða vín.

Upp úr þessu verkefni fæddist Maison Wessman. Árangurinn lét ekki á sér standa. Þegar N ° 1 Saint-Cernin Rouge kom á markað vann Maison Wessman til verðlauna sem besti svæðisvínbóndi ársins 2018 í Bergerac og Duras. Árangurinn varð til þess að Maison Wessman stækkaði framleiðsluna og útvíkkaða til annarra svæði. Í Limoux þróaði Maison Wessman 100% Chardonnay hvítvín, N ° 1 Saint-Cernin Blanc og Petit Cernin Blanc. Síðan hófst framleiðsla á rósa kampavíninu Champagne Wessman One Premier Cru Brut Rosé sem hlotið hefur góða dóma. Það nýjasta í flóru vína frá Maison Wessman er Champagne Wessman One Premier Cru Brut, en áætlað er að það verði sett á markað í nóvember 2021.